Ikaze - Umucyo w'Isabato

Uhawe Ikaze ku Umucyo w'Isabato

Menya ukuri kwerekeye Umucyo w'Isabato

Urahishurirwa ibyiringiro, ubwenge n’ukuri binyuze mu kumenya Isabato mu Isi y’umwijima

"Wibuke kweza umunsi w'isabato." (Kuva 20:8)

Umucyo w'Isabato ni iki?

Ni umushinga w’ivugabutumwa washinzwe na Eric Habyarimana afatanije na Ndanyuze Elieze. Wavukiye mu biganiro mpaka ku myumvire ku ngingo y’isabato mu buzima bwa gikristo. Inshingano yacu ni ukwamamaza ukuri kwerekeye Isabato mu mahanga yose dukoresheje inyandiko, ibitangazamakuru byo kuri interineti, ndetse n’amateraniro y’ivugabutumwa aho abantu batuye.

Soma Byinshi kuri twe

Kubera iki Dutinze ku Isabato

Benshi bananiwe kumenya umunsi w'isabato nyakuri. Ese Ni ku wa karindwi (Saturday/Samedi), cyangwa ni ku cyumweru? Vumbura ibimenyetso bya Bibiliya byerekana neza yuko umunsi wa karindwi w'icyumweru ari wo sabato y'ukuri, yahawe umugisha n'Imana ubwayo.

Isabato yahanzwe n'Imana ku iherezo ry'icyumweru cy'irema

Mu Itangiriro 2:2-3, Imana yaruhutse ku munsi wa karindwi, iraweza, iwuha umugisha, iwugira umunsi w'ikiruhuko ku nyokomuntu

Isabato ni rimwe mu mategeko cumi y'Imana

Kuva 20: 8-11 hadutegeka neza kwibuka umunsi wa karindwi, byerekana uruhare rwayo mu mategeko ahoraho y'Imana

Yesu yubahirizaga Isabato mu buzima bwe bwose

Luka 4:16 herekana ko buri gihe Yesu yitabiraga amateraniro mu isinagogi ku munsi wa karindwi, byemeza akamaro k'uyu munsi

Kuruhuka ku cyumweru byadutse nyuma y'ibinyejana byinshi nyuma ya Kristo

Amateka yerekana ko kuruhuka ku cyumweru byatangiye mu binyejana bya mbere nyuma ya Yesu, bisunitswe n'umuco n'imigenzo by'Abaroma

Isabato ni ikimenyetso cyo kuba indahemuka ku Mana

Ezekiyeli 20: 12 hasobanura Isabato nk'ikimenyetso hagati y'Imana n'abantu bayo, bigaragaza kuyiyegurira byuzuye

Isabato ifite umwanya wihariye mu buhanuzi bw'imperuka

Matayo 24:20 n'Ibyahishuwe 14:12 bihuza Isabato n'ibizaba bijyanye no kugaruka kwa kabiri kwa Kristo hamwe n'abayoboke be b'indahemuka

Shyigikira Uyu Murimo

Dufashe gukwiza hose Umucyo w'Isabato

Inkunga yawe izemerera Umucyo w’Isabato gukomeza gusangiza abandi ukuri kw’Isabato, gutanga ibyiringiro ku basonzeye ukuri, no kwagura ibikorwa byacu byo kubegera. Impano zose zidufasha kugeza ku bantu benshi umucyo w’Ijambo ry’Imana no gushimangira ibikorwa byacu by’ivugabutumwa.

Tera inkunga Imishinga Yacu: Dufashe kujya imbere ushyigikira imishinga y’ingenzi dufite nko kubaka ibiro by’Umucyo w’Isabato, gushyiraho studio itunganya videwo zica ku muyoboro wa YouTube, no gutegura amateraniro y’ivugabutumwa [Amavuna].

Ntusuzugure icyo ugiye gutanga: Inkunga yawe izafasha gutera benshi kwiga Bibiliya, gahunda z’amavuna, no gukwirakwiza inyigisho z’ingenzi zerekeye Isabato.

Ibyigisho Bishya

Cukumbura ukuri kw'Isabato Wimbitse

Isomere ibyigisho bishya ku ngingo y'Isabato ya Bibiliya, amakuru ya gihanuzi, hamwe n'ibyabaye bijyanye no gushyirwaho kw'amategeko y'icyumweru.

Zefaniya – Urugendo rwo Kwizera

Zefaniya Ndacayisaba – Urugendo rwo Kwizera: Kuva mu gutukwa ukabona Ibitangaza – Guhagarara ushikamye ku Isabato y’Imana.

Learn more

Tugumane

Duhamagare

+32 488 30 70 90 /+250 786 873 047

Twandikire

info@umucyowisabato.org

Thank You for Visiting Us!